هاتووچۆی سلێمانی: لە سێ رۆژی جەژندا پێنج کەس بە رووداوی هاتووچۆ گيانیانلەدەستداوە

SNN

بەڕێوبەری راگەياندنی هاتووچۆی سلێمانی رايگەياند: “لە سێ رۆژی جەژندا 21 رووداوی هاتووچۆ روويانداوە و بەهۆيەوە پێنج کەس گيانيانلەدەستداوە و 39 کەسيش برينداربوون”.

موقەدەم بەختيار محەمەد بەڕێوبەری راگەياندنی هاتووچۆی سلێمانی لەلێدوانێکيدا لە راديۆی ترافيک ئێف ئێم رايگەياند: “هۆکاری زۆربوونی رووداوەکانی ئەمساڵ بەراورد بە ساڵی پار بۆ ئەوە دەگەڕێتەوە، ساڵی رابردوو کەرەنتين بووە و هاتوچۆی گەشتياری و هاووڵاتيان کەمتر بووە”.

وتيشی “بەشێکی دەکەی هۆکارەکانی رووداوەکانی هاتووچۆ بۆ ئەوە دەگەریتەوە شۆفێران پابەند نين بە رێنماييەکانی هاتووچۆ و بە تيژڕەوی بە شەقامەکاندا دەرۆن، هاوکات مۆبايل بە کاردەهێنن و بەشێکيان بە مەستی شۆفێری دەکەن”.

سەبارەت بە ماتۆڕ سکيلەکانی ناوشاريش رايگەياند: “بەردەوام بەریوبەرايەتی هاتووچۆ هەوڵی دەستگيرکردنی ئەو ماتۆڕانە دەدات کە سەرەتايان نييە، بەڵام ژمارەيەکی زۆريان بە قاچاخ لە دەروازەکانەوە دێن و ئێمە ناتوانين رێگرييان لێبکەين”.