ئەمریکا سەرکۆنەی قسەکانی ئەردۆغان دەکات و بەهۆکاری ئاڵۆزی زیاتری دادەنێت لە ناوچەکە
رەجەب تەیب ئەردۆغان سەرۆککۆماری تورکلیا
SNN
ئەمەریکا سەرکۆنەی لێدوانێکی سەرۆکی تورکیا دەکات و بە هۆکاری ئاڵۆزی زیاتری ناوچەکەی دەزانێت.
نێد پرایس، وتەبێژی وەزارەتی دەرەوەی ئەمەریکا رایگەیاند: وڵاتەکەی بە توندی سەرکۆنەی لێدوانەکانی ئەمدواییەی رەجەب تەیب ئەردۆغان سەرۆکی تورکیا دەکات و بەهۆکاری زیاتری ئاڵۆزی ناوچەکەی دەزانێت.
دووشەممەی رابردوو، ئەردۆغان لەسەر گرژییەکانی نێوان ئیسڕائیل و فەلەستین رایگەیاند: جۆو بایدن سەرۆکی ئەمەریکا، دەستی سووربووە بە خوێن، چونکە چەکی پێشکەوتوو دەداتە تەلئەبیب، ئیسرائیلیشی بە دەوڵەتی تیرۆر ناوبردبوو، کە منداڵان و ژنان دەکوژێت.
