بۆ ماوەی رۆژێک بەشیک لە سلێمانی و دەوروبەری بێئاو دەبن
SNN
بەڕێوبەرايەتی ئاوی سلێمانی رايگەياند: “بەهۆی چاکسازی لە تۆڕەکانی کارەبا لەلایەن بەڕێوبەرایەتی گشتی کارەبای سلێمانیەوە بۆ ماوەی یەک ڕۆژ لەبەرواری 25/5/ 2021 دابەشکردنی ئاو لە هێڵی دووی ئاوی دوکان سلێمانی دەوەستێت”.
راشيگەياند: “بەوهۆیەشەوە زۆربەی گەڕەکەکانی شاری سلێمانی و قەزاوناحیەکانی چەمچەماڵ و شۆڕش و پیرەمەگرون و بازیان و تەکێ و ئەڵلایی بێ ئاودەبن”.
ئاوی سلێمانی داواش لە هاوڵاتییان دەکات لەو ماوەیەدا ئاگاداربن و دەست بەئاوەوە بگرن، بۆ ئەوەی تووشی بێئاوی نەبن و ناچارنەبن بە کڕینی ئاو.
