لە کۆبوونەوەی سبەینێی پەرلەمانی کوردستان چوار وەزیر ئامادەدەبن
دانیشتنێکى پەرلەمانی کوردستان | فۆتۆ: نووسینگەى راگەیاندنى پەرلەمان
SNN
سبەی سێشەممە 25ی ئایار، پەرلەمانی کوردستان کۆدەبێتەوە و بە ئامادەبوونی چوار وەزیری حکومەتی هەرێمی کوردستان، گفتوگۆ دەربارەی تاوانەكانی كوشتن بەگشتی و كوشتنی ئافرەت و خۆكوشتن دەکرێت.
لە کۆبوونەوەکەی سبەی پەرلەماندا ھەر یەک لە رێبەر ئەحمەد وەیزیری ناوخۆ، پشتیوان سادق وەزیری ئەوقاف و کاروباری ئایینی، کوێستان محەمەد وەزیری کارو کاروباری کۆمەڵایەتی، حەمەی حەمەسەعید وەزیری رۆشنبیری و لاوان، خانزاد ئەحمەد ئەمینداری ئەنجومەنی باڵای خانمان ئامادە دەبن، تەوەرێکی کۆبوونەوەکە گفتوگۆکردن لەسەر تاوانەكانی كوشتن بەگشتی و كوشتنی ئافرەت و خۆكوشتن دەبێت.
ئامادەبوونی ئەم وەزیرانە لە چوارچێوەی راپۆرتێک گفتوگۆ لەبارەی تاوانەكانی كوشتن بەگشتی و كوشتنی ئافرەت و خۆكوشتن دەکەن و وەڵامی پرسیار و سەرنجی پەرلەمانتاران دەدەنەوە.
