حکومەتی هەرێم رەشنووسی بودجە تاوتوێ دەکات
SNN
لە کۆبوونەوەیەکی تایبەت بە ڕەشنووسی یاسای بودجە سەرۆکایەتی هەرێم گفتوگۆ یدەربارەی ڕەشنووسی یاسای بودجەی هەرێمی کوردستان کرد و دوایین داتاکانی تایبەت بە خەرجی و داهاتەکانی هەرێم کرا.
لە کۆبوونەوەیەکی سەرۆکی حکومەت و جێگرەکەی و ژمارەیەک لە وەزیرە پەیوەندیدارەکان، گفتوگۆ دەربارەی ڕەشنووسی یاسای بودجەی هەرێمی کوردستان و دوایین داتاکانی تایبەت بە خەرجی و داهاتەکانی هەرێم کراو ئەگەرە جیاوازەکان بۆ داڕشتنی بودجە تاووتوێ کران.
لەم چوارچێوەیەدا کۆبوونەوەکە، وەزارەتە پەیوەندیدارەکانی ڕاسپارد کە دوایین تێبینی و سەرنجەکانیان لە سەر ڕەشنووسی یاساکە ئامادە بکەن بۆ ئەوەی لە ئایندەیەکی نزیکدا، ئەنجومەنی وەزیران ڕەشنوسی پڕۆژە یاساکە پەسەند بکات و پاشان بنێردرێت بۆ پەرلەمانی کوردستان.
لە تەوەرێکی دیکەی کۆبوونەوەکەدا ، باس لە جێبەجێکردنی یاسای بودجەی فیدراڵی عێراق بۆ ساڵی 2021 کرا کە تا ئێستا شایستە داراییەکانی هەرێم بە پێی یاساکە خەرج نەکراوە سەرەڕای ئامادەيی هەرێم بۆ جێبەجێکردنی پابەندییەکانی خۆی، بۆ ئەم مەبەستەش وەزیرە پەیوەندیدارەکان ڕاسپێردران کە لەگەڵ هاوتاکانیان لە حكومەتی فیدراڵی، لە پەیوەندی بەردەوام بن بۆ ئەم مەبەستە، بڕیاڕیشە هەفتەی داهاتوو شاندی هەرێمی کوردستان سەردانی بەغدا بکات بۆ بەدواداچوونی جێبەجێکردنی یاسای بودجەی فیدراڵی.
