ئەمریکا: بەشدار دەبین لە ئاوەدانکردنەوەی غەزە

SNN

وەزیری دەرەوەی ئەمریکا رایگەیاند: “واشنتۆن بەشدار دەبێت لە بونیاتنانەوە و ئاوەدانکردنەوە کەرتی غەزە، بەو مەرجەی هاوکارییە مرۆییەکان نەگاتە دەست حەماس”.

ئەنتۆنی بلینکن وەزیری دەرەوەی ئەمریکا لە لێدوانێکدا رایگەیاند: “بەمەبەستی گەرەنتیکردنی ئاگربەستی نێوان حەماس و ئیسرائیل بەشدار دەبین لە ئاوەدانکردنەوە و بونیاتنانەوە کەرتی غەزە”.

باسی لەوەشکرد: ” ئەمریکا دەیەوێت دڵنیا ببێتەوە لەوە بزوتنەوەی حەماس بە هیچ شێوەیەک سودمەند نابێت لەو هاوکارییە مرۆییانەی رەوانەی غەزە دەکرێن”.

وەزیری دەرەوەی ئەمریکا راشیگەیاند: ” پێویستە دۆخی راگرتنی شەڕ بقۆزرێتەوە بۆ چارەسەرکردنی کۆمەڵێک پرسی بنچینەیی و ئەو ئاڵنگارییانەی لەبەردەمدا ماون”.

دوای 11 رۆژ شەڕ و موشەکبارانی سەخت ئیسرائیل و حەماس لە 20ی ئایارەوە ئاگربەستیان راگەیاند و بە وتەی بەرپرسانی کەرتی غەزە لە ئەنجامی ئەو شەرەدا جیا لە کوژرانی نزیکەی 240 کەس و برینداربوونی سەدان کەس، زیانێکی زۆر بەر شارەکەش کەوتووە.