وەزارەتی وزەی ئەمريکا: واشنتۆن نەوتی ئێران هاوردە دەکات

SNN

وەزارەتی وزەی ئەمريکا رايگەياند: “لە مانگی 10ی ساڵی 2020دا وڵاتەکەی بڕی 36 هەزار بەرميل نەوتی لە رۆژێکدا لە ئێرانەوە هاوردەکردووە”، ئەوەش يەکەم هاوردەکردنی نەوتە لە تارانەوە لەدوای ساڵی 1991ەوە.

بە پێی ئەو داتايانەی وەزارەتی وزەی ئەمريکا بڵاويکردووەتەوە “تێکڕای گشتی هاوردەی نەوتی ئێران لە ساڵی پاردا 33 هەزار بەرميل بووە، لە ساڵی 1991 رۆژانە 64 هەزار بەرميل نەوتی هاوردە کردووە”.

لە مانگی هەشتی ساڵی رابردوودا، واشنتۆن دەستيگرتبەسەر مليۆنیک و 600هەزار بەرميل نەوت کە لە ئێرانەوە بەرەو ڤەنزوێلا رەوانەکرابوو.

ويلايەتە يەکگرتووەکانی ئەمريکا لە ساڵی 1984ەوە سزای ئابوری و گەمارۆی بەسەر ئێراندا سەپاندووە و سەرجەم هاوکارييەکانيشی بۆ ئەو وڵاتە وەستاندووە.