ئەمڕۆ شاندی هه‌رێمی كوردستان له‌گه‌ڵ وه‌زاره‌تی دارایی عێراق كۆده‌بێته‌وه‌

SNN

شاندی دانوستاندكاری هه‌رێمی كوردستان له‌گه‌ڵ حكومه‌تی فیدڕاڵی عێراق ده‌ست به‌گفتوگۆكانی له‌سه‌ر شایسته‌ داراییه‌كانی هه‌رێم و میكانیزمه‌كانی جێبه‌جێ كردنی یاسای بوودجه‌ی ساڵی 2021 ده‌كات.

بەختیار حاجی، بەڕێوەبەری گشتی کاروباری پەیوەندییەکان و بەدواداچوون لە نوێنەرایەتی حکومەتی هەرێمی کوردستان له‌سه‌ر سه‌ردانی شانده‌كه‌ی هه‌رێمی كوردستان بە میدیا عێراقییەکانی راگەیاند: ئامانج لە سەردانەکە بۆ دووپاتکردنەوەی پابەندبوونی حکومەتی هەرێمی کوردستانە بە یاسایی بودجەی 2021ی عێراق و دووپاتکردنەوەی ئامادەیی بۆ جێبەجێکردنی سەرجەم پابەندییەکان بۆ ئەوەی شایستە داراییەکانی هەرێمی کوردستان وەکو خۆی بگات.

هه‌روه‌ها، بریاره‌ پێش نیوه‌ڕۆی ئه‌مڕۆ یه‌كه‌م كۆبوونه‌وه‌ی شاندی هه‌رێمی كوردستان له‌به‌غدا له‌گه‌ڵ وه‌زاره‌تی دارایی عێراق بێت و دواتر دیدارو كۆبوونه‌وه‌كان له‌گه‌ڵ لایه‌نه‌ په‌یوه‌ندیداره‌كانی دیكه‌ ئه‌نجام بدرێت.