سەرۆکی نوێی ئيسرائيل هەڵبژێردرا

SNN

ميدياکانی جيهان بڵاويانکردەوە: “ئیسحاق هێرزۆگ وەک سەرۆکی نوێی ئیسرائیل و 11يەمين سەرۆکی ئەو وڵاتە هەڵبژێردراوە”.

ئەمڕۆ چوارشەممە،ميدياکانی جيهان بڵاويانکردەوە: “بە ئامادەبوونی هەریەک لە کاندیدانی سەرۆکایەتی ئیسرائیل، ئیسحاق هێرزۆگ سەرۆکی پێشووی پارتی کرێکاران و میریام پێرێتس چالاکوانی کۆمەڵایەتی پەرلەمانی ئیسرائیل کۆبووەوە و بە دەنگی 87 ئەندامی پەرلەمان ئیسحاق هێرزۆگ وەک سەرۆکی وڵات هەڵبژێردراوە”.

هێرزۆگ تەمەنی 60 ساڵە و سەرۆکی پێشوی پارتی کرێکارانی ئيسرائيل و سەرکردەی ئۆپۆزسيۆنی ئەو وڵاتە بوو، لە هەڵبژاردنەکانی پەرلەمان لە ساڵی 2013 رکابەری بنيامين ناتانياهو بوو شکستی هێنا”.

رەیوڤین ریڤلین لە ساڵی 2014ەوە سەرۆکی ئیسرائیلە، لە ئێستادا ئیسحاق هێرزۆگ دەبێتە سەرۆکی نوێی ئیسرائیل و شوێنی دەگرێتەوە، کە کوڕی شەشەمین سەرۆکی ئیسرائیلە.