لە ساڵی رابردووەوە 16 کەمپی ئاوارەکان لە عێراق داخراون
SNN
رێکخراوی چاودێری مافەکانی مرۆڤ لە راپۆرتێکیدا نیگەرانی خۆی لەبارەی بڕیاری داخستنی کەمپی ئاوارەکان لە عێراق نیشاندەدات و دەشڵێت: “لە حەوت مانگی رابردوودا 16 کەمپی ئاوارەکان لە عێراق داخراون”.
بەگوێرەی ئامارە فەرمییەکان لە سەرەتای ئەمساڵەوە مییەکان لە سەرەتای ئەمساڵەوە 34 هەزار و 801 ئاوارە گەڕاونەتەوە زێدی خۆیان.
رێکخراوەکە رایدەگەیەنێت: بڕیاری داخستنی کەمپی ئاوارەکان بەتەنیا کاتێک سەرکەوتوو دەبێت ئەگەر حکومەت دڵنیایی بدات لەبارەی سەلامەتی گیانی ئەو ئاوارانەی کە دەگەڕێنەوە زێدی خۆیان و خزمەتگوزارییەکانی کارەبا و ئاو و تەندروستییان هەبێت.
دەشڵێت بەشێکی زۆر لەو ئاوارانە پارەیان نییە خانووە زیانبەرکەوتووەکانیان نۆژەنبکەنەوە.
ئاماژەش بەوەدەکات کە لەنێوان ئەو هەزاران ئاوارەیەی کە گەڕاونەتەوە زێدی خۆیان، تەنیا یەک لەسەر سێی ئەو کەسانە گەڕاونەتەوە ماڵەکانی خۆیان، ئەوانی دیکە یان خانوویان بەکرێ گرتووە یاخود لەلایەن کەسانی دیکەوە داڵدەدراون، بەشێکیشیان لە بینای تەواونەبوودا ژیانبەسەردەبەن.
