تەندروستی جيهانی: بەهۆی کۆرۆناوە 115 هەزار پزيشک و کارمەندی تەندروستی گيانيانلەدەستداوە
لۆگۆی رێکخراوی تەندروستیی جیهانیی
SNN
بەپێی ئاماری رێكخراوی تەندروستی جیهانی ڤایرۆسی كۆرۆنا لەسەرەتای سەرهەڵدانیەوە بۆتە هۆی گیان لەدەستدانی 115 هەزار پزیشك و كارمەندی تەندروستی و داوای چڕكردنەوەی هەڵمەتەكانی كوتان كرا لەسەرتاسەری وڵاتان دەکرێت.
تیدروس ئادهانۆم بەرێوبەری رێكخراوی تەندروستی جیهانی لەكۆبونەوەی كۆمەڵەی گشتی رێكخراوەكە ستایشی قوربانیدانی پزیشكان و كارمەندانی تەندروستی كرد لەسەرتاسەری جیهانەوە بۆ بەرەنگاربوونەوەی ئەو پەتایە، راشيگەياند: “بەدرێژایی 18 مانگی رابردوو كارمەندانی تەندروستی لەسەرتاسەری جیهان لەلێواری ژیان و مەرگ وەستاون و زۆرێك لەوانە تووشی ڤایرۆسی كۆرۆنا بوون و گیانیانلەدەستدا لەپێناو خزمەتكردنی ئەوانی دیكە”.
رونيشيکردەوە: “زۆرێك لەكارمەندانی بواری تەندروستی لەسەرەتای پەتای كۆرۆنا هەستیان بەتێكشكان و بێ توانایی كرد بەهۆی نەبوونی كەلوپەلی خۆپارێزی و ڤاكسینەكان”.
بەرێوبەری رێكخراوی تەندروستی جیهانی نایەكسانی لەبەدەستگەیشتنی ڤاكسینی كۆرۆنا بەئابڕووچوون وەسفكرد و هۆشداریدا لەوەی ئەو نایەكسانیە دەبێتە هۆی درێژكردنەوەی وادەی بڵاوبوونەوەی پەتاكە.
