وەفدی يەکێتی بە سەرۆکايەتی بافڵ تاڵەبانی لەگەڵ نوری ماليکی کۆبوونەوە

SNN

وەفدی باڵای یەکێتی بەسەرۆکایەتی بافڵ تاڵەبانی لەگەڵ نوری ماليکی سەرۆکی ھاوپەیمانیی دەوڵەتی یاسا کۆبوونەوە.

کۆبوونەوەی شاندی باڵای یەکێتی لەگەڵ نوری مالکی سەبارەت بە هەڵبژاردنی عێراق و رەوشی هەرێم و عێراق و چەند پرسێکی دیکەیە.

بافڵ تاڵەبانی شەوی رابردوو گەیشتە بەغدا بەمەبەستی کۆبوونەوە لەگەڵ ژمارەیەک بەرپرسی باڵای حزبی و حکومی و سەرلەبەیانی ئەمڕۆ گەیشتە کۆشکی سەلام و لەگەڵ بەرهەم ساڵح سەرۆککۆماری عێراق کۆبووەوە.سەبارەت بە ناوەڕۆکی کۆبوونەوەکە، سەرۆکایەتی کۆماری عێراق راگەیەندراوێکی بڵاوکردەوە و رایگەیاند: جەختکرایەوە لە بەھێزکردنی گفتوگۆ و دیالۆگ و چارەسەرکردنی کێشە ھەڵپەسێردراوەکانی نێوان ھەردو حکومەتی فیدراڵ و حکومەتی ھەرێمی کوردستان بە گوێرەی دەستور و یاسا و پاراستنی مافی ھاووڵاتیان و موچەخۆران.

دواتریش لەگەڵ عەمار حەکیم سه‌رۆكی ره‌وتی حیكمه‌ی نیشتمانی کۆبوونەوە.

بڕيارە ئەمڕۆ، کاتژمێر 1:30 خولەک وەفدی يەکێتی بە سەرۆکايەتی بافڵ تاڵەبانی بچێتە ئەنجومەنی وەزيرانی عێراق و لەگەڵ مستەفا کازمی سەرۆکوەزيرانی عێراق کۆببێتەوە.

شاندەکەی يەکێتی پێکهاتوون لە (رەفعەت عەبدوڵا، شاناز ئيبراهيم، ئاڵا تاڵەبانی، رێبوار تەها، عزەت سابير، ژمارەيەکی ديکە لە ئەندامانی سەرکردايەتی و مەکتەبی سياسی يەکێتیی نيشتمانیی کوردستان).