مەرزی کێلێ: بەهۆی بۆردومانەکەی تورکیاوە جموجوڵی بازرگانی نەوەستاوە
SNN
ئەمڕۆ فڕۆکەکانی تورکیا ئۆتۆمبێلێکیان لە ناحیەی هەڵشۆ بۆردومان کرد کە تەنیا 14 کیلۆمەتر لە مەرزی کێلێوە دووربوو، بەڕێوەبەری مەرزی کێلێش دەڵێت جموجوڵی بازرگانی نەوەستاوە.
هاوکات ئەو ئۆتۆمبێلەی کە بۆردومانکراوە چوار کەسی تێدابووە و دەستبەجێ گیانیان لەدەستداوە.
بەکر وەیسی، بەڕێوەبەری ناحیەی هەڵشۆ ڕاگەیاند، “ئەو کەسانەی لە ئۆتۆمبیلەکەدا گیانیان لە دەستداوە، ڕەگەزی نێرن و ئێستا تەرمەکانیان ڕەوانەی پزیشکی دادی کراوە بۆ ناسینەوە و ئاشكراکردنی ناسنامەکانیان”.
نیوەڕۆی ئەمڕۆ فڕۆکەکانی تورکیا ئۆتۆمبیلێکیان لە گوندی کانی لانی سەربە ناحیەی هەڵشۆ لە قەزای پشدەر کردە ئامانج و چوار کەسی تێدا کوژرا.
