ڕێواز فايەق: کۆبوونەوەی داهاتوو لەسەر مووچە دەبێت
ڕێواز فایهق، ئهندامى مهكتهبى سیاسى یهكێتیى نیشتمانیى كوردستان | فۆتۆ: SNN
SNN
سەرۆکی پەرلەمانی کوردستان رايگەیاند: “پەرلەمانی کوردستان کۆنابێتەوە تاوەکو کۆبوونەوەی داهاتوو لەبارەی بودجە و مووچە نەبێت”.
رێواز فایەق، سەرۆکی پەرلەمانی کوردستان لە لێدوانێکيدا رايگەياندووە: “کۆبوونەوەی داهاتوومان لەبارەی پرسی بودجە و مووچەی مووچەخۆرانی هەرێمی کوردستان دەبێت”، بەڵام ئاماژەی بە رۆژی کۆبوونەوەکە نەکردووە.
لەبارەی پشووی هاوینەی پەرلەمانی کوردستان کە يەکی تەمووزی هەموو ساڵێک دەستپێدەکات، رێواز فایەق وتی”ئەمساڵ پشوو نییە”.
ئەمڕۆ دووشەممە، ئاوات شێخ جەناب، وەزیری دارایی حکومەتی هەرێمی کوردستان و عەبدولحەکیم خەسرۆ، سەرۆکی لیژنەی باڵای چاکسازییەکانی حکومەت سەردانی لیژنەی دارایی و ئابووری پەرلەمانی کوردستانيان کرد، بەمەبەستی وەڵامدانەوەی پرسیارەکانی لیژنەکەنە لەبارەی هۆکارەکانی بەردەوامی لێبڕینی مووچەی مووچەخۆران.
