بکوژانی پۆلیسە کوردەکەی کەرکوک بە سزای خۆیان دەگەیەندرێن

SNN

بکوژانی ئەو پۆلیسە کوردەی کە بەشێوەیەکی دڕندانە سەربڕدرا سزای لەسێدارەدانیان بۆ دەرچوو، کە ژن و پیاوێکن.

سەرچاوەیەک لە دادگای کەرکوک رایگەیاند: بڕیاردراوه‌ به‌سه‌پاندنی سزای له‌سێداره‌دان به‌سه‌ر ژن و پیاوێكدا كه‌ له‌جه‌ژنی قوربانی ساڵی رابردودا هه‌ستاون به‌ كوشتن و سه‌ربڕینی پۆلیسێكی كورد به‌ناوی به‌هجه‌ت ئه‌نوه‌ر.

به‌وته‌ی سه‌رچاوه‌یه‌كی دادگای كه‌ركوك، دادگای كه‌ركوك بڕیاریداوه‌ به‌سه‌پاندنی سزای له‌سێداره‌دان به‌سه‌ر ژن و پیاوێكدا كه‌ به‌ئامانجی دزینی بڕێك پاره‌، پۆلیسێكیان به‌ناوی به‌هجه‌ت ئه‌نوه‌ر محه‌مه‌د له‌ جه‌ژنی قوربانی ساڵی رابردو كوشتوه‌ و پاشانیش سه‌ریان له‌ جه‌سته‌ی جیاكردوه‌ته‌وه‌ و له‌ناو پیكابێكدا فڕێیانداوه‌.

ئه‌وه‌شی خستوه‌ته‌ڕوو: هه‌ردو سزادراوه‌كه‌ له‌به‌رده‌م دادگادا دانیان به‌تاوانه‌كه‌یاندا ناوه‌ كه‌ له‌به‌رامبه‌ر دزینی بڕێك پاره‌ هه‌ستاون به‌كوشتنی ئه‌و پۆلیسه‌ كورده‌.

یه‌كه‌م ڕۆژی جه‌ژنی قوربان له‌ 24ی (ئایار/5)ی 2020 له‌ گه‌ڕه‌كی عه‌سكه‌ری شاری كه‌ركوك ته‌رمی رپێدراوێكی پۆلیس به‌ناوی (به‌هجه‌ت ئه‌نوه‌ر محه‌مه‌د) له‌پشتی ئۆتۆمبێله‌ پیكابه‌كه‌ی خۆی به‌سه‌ربڕاوی دۆزرایه‌وه‌.