پلەکانی گەرما تا سەروو 45 بەرزدەبنەوە
SNN
بەڕێوبەرايەتی گشتی کەشناسی و بومەلەرزەزانی هەرێم رايگەياند: “رۆژى هەینى بەرزترین پلەکانى گەرما دەست دەکات بە بەرزبوونەوە, رۆژى شەممەى سەرەتاى هەفتەى داهاتوو بەرزبوونەوەى پلەکانى گەرما زیاتر دەبێت لە زۆربەى ناوچەکان دەگاتە سەرووى 40 پلەى سیلیزى”.
کەشناسی هەرێم لە راگەيەندراوێکدا بڵاويکردەوە: “لە ئێستادا بەهۆى چالاک بوونى نزمە پاڵە پەستۆى وەرزى گەرمى ساڵانە لەگەڵ وەرگەڕانى هاوینە پێشبینى دەکەین لە سەرەتاى هەفتەى داهاتوو بە گشتى بەرزترین پلەکانى گەرما بەردەوام لە سەرووى 40 پلەى سیلیزى بێت” .
راشيگەياندووە: “لەو کاتانەى شەپۆڵەکانى گەرما روو لە ناوچەکەمان دەکەن بەرزترین پلەکانى گەرما تا سەرووى 45 پلەى سیلیزى بەرزدەبێتەوە سەبارەت بە سەنتەرى پارێزگاکان وە لە ناوچە شاخاوییەکانیش دەگاتە سەرووى 36 پلەى سیلیزى” .
