وەزیری تەندروستی: بڕیارماندا بە نەهێشتنی دەوامی بەنۆرەی فەرمانبەران
سامان به‌رزنجى، وه‌زیرى ته‌ندروستیى هه‌رێم | فۆتۆ: SNN
SNN
وەزیری تەندروستی حکومەتی هەرێم ئاماژە بەوە دەکات کە بڕیاریان داوە، دەوامی بەنۆرەی فەرمانبەران نەهێڵن و رێکاری یاساییش بەرامبەر ئەو فەرمانبەرانە دەگرنەبەر کە سەرپێچی لەو بڕیارە دەکەن.
سامان بەرزنجی وەزیری تەندروستی حکومەتی هەرێم لە گشتاندنێکدا کە ئاراستەی سەرجەم بەڕێوەبەرایەتیە گشتییەکان و بەڕێوەبەرایەتی و بەش و هۆبەکانی سەر بە دیوانی وەزارەتەکەی کردووە، رایگەیاندوە: “بڕیارمانداوە بە نەهێشتنی دەوامی بەنۆرە (تناوب)ی فەرمانبەران و پابەندبوونیان بە کاتەکانی دەوامی فەرمی رۆژانە”.
راشیگەیاندوە: “رێکاری یاسایی بەرامبەر بە فەرمانبەری سەرپێچکار دەگیرێتەبەر”.
وەزیری تەندروستی باسی لەوەشکردوە: “لەپێناو بەرژەوەندی گشتی و باشتر رایی کردنی کاروباری هاووڵاتیان” ئەو بڕیارە دەکراوە.
