دەزگای دژە تیرۆر روونکردنەوەیەک بڵاودەکاتەوە

SNN

دەزگای دژە تیرۆر لەبارەی کەسێکەوە کەناسنامەی ساختەی دروست کردوەو بە ناوی دەزگای دژە تیرۆرەوە خۆی ناساندوە روونکردنەوەیەک بڵاودەکاتەوە.

لە روونکردنەوەکەدا هاتووە: ماوەیەکه کەسێکی گوماناوی و سیخوڕی سەر به دەوڵەت و حیزبێکی دیاریکراو، به پیلانی پێشوەختەی دەزگایەکی هەواڵگری، و لەڕێی تۆڕیکی پشتیوانیكراو لە پەیجی بێ دايكو باوك، سەرقاڵی چەواشەکردنی وەرگرانی میدیاییه وەو هەوڵی زڕاندنی ناوی دەزگاکەمان دەدات.

دەزاگای دژە تیرۆر راشیگەیاندوە: ئێمه پشت بەستوو بە بەڵگەنامەکانی بەردەستمان، بە هەموو لايەك ڕادەگەیەنین دەزگای دژەتیرور هیچ کارمەند و ئەفسەرێکی نیه به ناوی (زاگرۆس جوهر صديق) ئەو ناسنامانەش کە بەناوی ناوبراوەوه بڵاوكراونەتەوه و گوایە ئەفسەره له دەزگاکەمان، به ڕوونی دیاره که ناسنامەی دروستکراوی ساخته و تەزویرن. بۆ نمونه و به زۆری فۆتۆشۆپ، لۆگۆی دەزگای دژەتيرۆر خراوەتە سەر ناسنامەی كۆمەڵەی ئەفسەرانی كەركوك”.

لە کۆتاییشدا رایگەیاندوە: ” دەزگای دژەتیرۆر لە ڕێی ناوەندی یاسایی تایبەتمەندەوە، سکاڵای خۆى لە سەر ئەو کەسه تۆمار کردووه، که به پیلانی پێشوەخته و به هۆی پێداگریی چەندجارەوه، هەوڵی زڕاندنی ناوی دەزگاکەمان دەدات، ئێمه بەڵێنمان له لايەنه ياساييه دەرەكييه پەيوەندارەکان وەرگرتووه که بەمزوانه لەو ناوچەیەی تیایدا دەژی، دەستی یاسا بگەیەننە سەری.”