82 ملیۆن کەس لە جیهاندا پەنابەرن

SNN

بەگوێرەی ئامارەکانی نەتەوەیەکگرتووەکان تا کۆتایی ساڵی رابردوو زیاتر لە 82 ملیۆن پەنابەر لە جیهاندا تۆمار کراون.
رێکخراوەکە رایگەیاندووە، سەرباری بڵاوبوونەوەی کۆرۆنا ژمارەی پەنابەران بەردەوامن لە زیادبوون و لە ماوەی 10 ساڵی رابردوودا ژمارەی پەنابەران بۆ دوو هێندە زیادیکردووە.

رێکخراوەکە دەڵێت بە گوێرەی ئامارەکان لەسەدا یەکی تەواوی دانیشتوانی جیهان لە زێدی خۆیاندا ناژین.
ئامارەکانی کومسیۆنی باڵای نەتەوە یەکگرتوەکان بۆ کاروباری پەنابەری ئەوەی دەرخستووە، وڵاتی تورکیا یەکێکە لەو وڵاتانەی کە زۆرترین ژمارەی پەنابەرانی لە خۆ گرتوە و تاکو ئێستا 3.7 ملیۆن پەنابەر، ڕویان لەو وڵاتە کردوە.

ڕێکخراوی( UNHCR) تا ساڵی 2017 نزیکەی 40 هەزار ئێرانی وەک پەنابەر لە تورکیادا تۆمار کردوە و هەروەها لەو کاتەشەوە کە حکومەتی تورکیا بەرپرسیارێتی ئەو ڕێکخراوەی لەئەستۆ گرتوە، بە گوێرەی ڕاپۆرتێک کە حکومەتی تورکیا خۆی ڕایگەیاندوە، ناوی هەزار و 425 ئێرانی لە ساڵی ڕابردودا وەک پەنابەر تۆمار کراوە.