بومەلەرزەیەکی بەهێز باکوری کوردستانی هەژاند

SNN
بومەلەرزەیەکی بەهێز ناوچەیەکی سەر بە شاری چەولیکی باکوری کوردستانی هەژاند و لە چەند شارێکی دیکەش هەستی پێکرا،

سەرۆکایەتی ئیدارەی کارەسات و بارودۆخی لە ناکاوی تورکیا (ئافاد) رایگەیاند: کاتژمێر 9 و 28 خولەکی ئەمشەو بومەلەرزەیەک بە گوڕی 5.2 پلە بە پێوەری ریختەر شارۆچکەی کیغی سەر بە بینگۆل (چەولێک)ی هەژاندووە.

بەپێی میدیاکانی تورکیا ئەو بومەلەرزەیە لە ناوچەکانی ئەرزروم، ئەرزینجان و ئەلازیغیش هەستی پێکراوە.

تائێستا لەبارەی زیانەکانی ئەو بومەلەرزەیەوە هیچ زانیارییەک بڵاونەکراونەتەوە.