کچێک بە تۆمەتی هەڕەشەی بڵاوکردنەوەی وێنە و ڤیدیۆی هاوڕێکانی دەستگیرکرا
SNN
کچە خوێندکارێکی زانکۆ بە تۆمەتی ئەوەی هەڕەشەی بڵاوکردنەوەی وێنە و ڤیدیۆ و تۆماری دەنگی هاوڕێکانی لە بەشە ناوخۆیی کردبوو لە لایەن پۆلیسی کۆمەڵایەتی بەغداوە دەستگیر کرا.
لەو بارەوە پۆلیسی کۆمەڵایەتی بەغدا رایگەیاندوە: “هێزەکانیان توانیویانە کچێک دەستگیربکەن کە وێنە و ڤیدیۆ و تۆماری دەنگی هاوڕێ کچەکانی لە بەشی ناوخۆیی لابووە”.
راشیگەیاندوە: ئەو کچە هەڕەشەی بڵاوکردنەوەیانی کردووە ئەگەر بێتوو لەبەرامبەردا هاوڕێکانی پارە و زێڕی نەدەنێ.”
ئەوەشی خستوەتەڕوو: دوای کۆکردنەوەی بەڵگەی تەواو بۆ تۆمەتبارکردنی ئەو کچە خوێندکارە، رێکاری پێویست گیراوەتەبەر و سەرجەم وێنە و ڤیدیۆکانیشیان لە موبایلەکەیدا سڕیوەتەوە”.
