وەزارەتی نەوتی عێراق: بەنزینی محەسەن بۆ سەرجەم بەنزینخانەکان بە نرخی 650 دینار دابینکراوە
بەنزینخانە
SNN
وه‌زاره‌تی نه‌وتی عێراق رایگه‌یاند: “به‌نزینی جۆری ئۆكتان به‌رزیان بۆ سه‌رجه‌م بەنزینخانەکان دابینكردوه و به‌نرخی 650 دینار ده‌درێته شۆفێران.
حامید یونس بریكاری وه‌زاره‌تی نه‌وت بۆ كاروباری دابه‌شكردنی به‌رهه‌مه نه‌وتیه‌كان لە میانی سەردانێکی مەیدانی بۆ وێستگەکانی دابەشکردنی بەنزین لە بەری کەرخ و رەسافەی بەغدا رایگه‌یاندوه: “به‌نزینی ئۆکتان بەرز (محەسەن)ی پێویست بۆ سه‌رجه‌م وێستگه‌كانی وه‌رگرتنی سوته‌مه‌نی دابینكراوه و لەو رووەوە هیچ کێشەیەک نەماوە”.
راشیگەیاندووە: “كۆمپانیای دابه‌شكردنی به‌رهه‌مه نه‌وتییه‌كان به‌رده‌وامه له دابینكردنی به‌نزینی ئۆكتان به‌رز، به‌نرخی 650 دینار ده‌درێته هاوڵاتیان، به‌نزینی نۆرماڵی ئۆكتان ئاسایی به نرخی 450 دینار دابه‌شده‌كرێت.
باسی لەوەشکرد: “كۆمپانیاكانی دابه‌شكردنی سوته‌مه‌نی له پارێزگاكان هه‌مو توانای خۆیان بۆ دابینكردنی باشترین خزمه‌تگوزاری بۆ هاوڵاتیان خستوه‌ته‌گه‌ڕ، سه‌ره‌ڕای ئاسته‌نگی ته‌ندروستی و به‌رزبونه‌وه‌ی پله‌كانی گه‌رما”.
