لە کۆبوونەوەی سبەی پەرلەماندا لەسەر پرسی مووچە کۆمەڵێک وەزیر ئامادەدەبن

SNN

سبه‌ی دووشەممە په‌رله‌مانی كوردستان كۆده‌بێته‌وه‌ و ژماره‌یه‌ك وه‌زیر و به‌رپرسی حكومی بۆ پرسی مووچه‌ و داهات ده‌چنه‌ میوانداری ده‌كرێن.

بەپێی زانیارییەکانی SNN، لە کۆبوونەوەی سبەی پەرلەماندا هه‌ریه‌كه‌ له‌ وه‌زیری دارایی، وه‌زیی پلاندانان، سامانه‌ سروشتیه‌كان، سه‌رۆكی دیوان و سكرتێری ئه‌نجومه‌نی وه‌زیران و سه‌رۆكی فه‌رمانگه‌ی هه‌ماهه‌نگی و به‌دواداچوون، سبه‌ینێ ده‌چنه‌ په‌رله‌مان.

میوانداریكردنی ئه‌م وه‌زیرانه‌ بۆ تاوتوێكردنی پرسیر لێبڕینی مووچه‌ و داهاتی خاڵه‌ سنورییه‌كان و قه‌رزه‌كان و دۆسیه‌ی نه‌وته‌. چوونی ئه‌م به‌رپرسانه‌ی حكومه‌ت له‌سه‌ر یاداشتێكی په‌رله‌مانتارانه‌ كه‌ به‌65 واژووە داوای كۆبونه‌وه‌ی تایبه‌تی په‌رله‌مانیان كردبوو له‌سه‌ر ئه‌و بابه‌تانه‌.