لە 40%ی هەولێر بێ ئاو دەبێت

SNN

بەهۆی شکانی بۆڕیی ئاوی ئیفراز سێی هەولێر، لە 40%ی دانیشتووانی سەنتەری شاری هەولێر بێ ئاو دەبن بەڕێوەبەری ئاو و ئاوەڕۆی هەرێميش دەڵێت: “تیمی چاککردنەوەمان ناردووە بۆ ئەوەی چاکبکرێتەوە“.

بەیانی ئەمڕۆ دووشەممە، جارێکی دیکە بۆڕیی ئاوی ئیفراز سێی هەولێر شکایەوە، ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستانيش لەوبارەيەوە لە لێدوانێکيدا رايگەياندووە: “ئەوە چەندجارێکە ئەو بۆڕییە کە شادەمارێکی ئاوی هەولێرە دەشكێ، رەنگە هۆکاری شکانەکان کواڵیتی و کۆنبوونی بۆڕییەکە بێت”.

سەبارەت بە کاتی چاککردنەوەی بۆرییەکەش، دەڵێت “تیمی چاککردنەوەمان ناردووە بۆ ئەوەی بە زووترین کات چاکبکرێتەوە، چاککردنەوەی بۆڕییەکە نزیکەی 24 کاتژمێری دەوێت، پڕبوونەوەی بۆڕییەکەش لە ئاو، پێویستی بە 24 کاژێر دەبێت، واتە ئەو بەشەی هەولێر 48 کاتژمێر بێ ئاو دەبێت”.