پۆليسی گەرميان: پێشمەرگەیەک لەکاتی ئەرکدا خۆی کوشت

SNN

بەرێوبەرايەتی پۆليسی گەرميان رايگەياند: “پێشمەرگەیەک لەکاتی ئەرکدا فیشەکی بەخۆیەوە ناوە و خۆی کوشتووە”.

پۆليسی گەرميان لە راگەيەندراوێکدا بڵاويکردەوە: “بەرەبەیانی ئەمڕۆ پێنج شەمە تەرمی پێشمەرگەیەکی لیوای (3) بەناوی (عباس عبداللە حبیب) لەدایکبووی 1980  هێنرایە بەشی فریاکەوتنی شەهید هەژار لەکەلار کەبەهۆی بەرکەوتنی فیشەکەوە گیانی لەدەستدابوو” .

ئاماژەی بەوەشکرد: “بەوتەی هاوڕێکانی ناوبراو دانیشتووی شاری خانەقینەو لەکاتی ئەرکدا لەنزیک خانەقین فیشەکی بەخۆیەوە ناوەو گیانی لەدەستداوە”.

راشيگەياند: “لەئێستادا لەپزیشکی دادوەری قەزای کەلار توێکاری بۆ تەرمەکەی دەکرێت و رادەستی کەسوکاری دەکرێتەوە”.