هۆكاری دابەشنەكردنی مووچە لە ئەمڕۆدا لە SNNەوە بزانە

SNN-عەلی حەمە سەعید

بەرپرسێكی باڵا لە لەوەزارەتی دارایی و ئابووری حكومەتی هەرێم ئاماژە بەوە دەكات: “ئەمڕۆ پێنجشەممە مووچەی هیچ شوێنێك دابەشناكرێت، ئەوەش بەهۆی ئەوەی ساڵانە لە 1/7 سەرجەم بانقەكان كاری خیتامی خۆیان ئەنجام دەدەن لە ماوەی شەش مانگی رابردوودا، هاوكات لە رۆژی یەكشەممە وە دەستبەدابەشكردنی مووچە دەكرێت و تا كۆتایی هەفتەی داهاتوو كۆتایی بە دابەشكردنی مووچە دەهێندرێت”.

بەرپرسێكی باڵا لە وەزارەتی دارایی و ئابوری حكومەتی هەرێم بە SNNی ڕاگەیاند: “پلانی وەزارەتی دارایی وادانرابوو كە ئەمڕۆش مووچە دابشبكرێت، بەڵام بەهۆی ئەوەی ساڵانە لە 1/7  بانقەكان تەنها حیسابی خیتامی خۆیان دەكەن ناتوانن هیچ مووچەیەك دابەشبكەن، بەڵام بە دڵنیاییەوە لە رۆژی یەك شەممە 4/7/2021 دبەشكردنی مووچە دەستپێدەكاتەوە و مووچەی ( وەزارەتی شەهیدان و كەسوكاری شەهیدان دابەشدەكرێت)”.

ئەو بەرپرسەی وەزارەتی دارایی و ئابوری ئەوەشی خستەڕوو: “بڕی پارەی پێویست بۆ دابەشكردنی مووچە لە بەردەستدایە و هەموو هەوڵێكمان ئەوەیە كە لە هەفتەی داهاتوو تا رۆژی پێنج شەممە كۆتایی بە دابەشكردنی مووچەی سەرجەم وەزارەتەكان بهێنین”.

دابەشكردنی مووچە بە لێبڕینی لە %21 دەبێت بۆ فەرمابنەران و هاوكات بە لیبڕینی لە%50 بۆ وەزیر و پلە باڵاكان.