وەزارەتی دارایی هەرێم حجز دەخاتە سەر چەند کۆمپانیایەکی نەوت

وەزارەتی دارایی گلدانەوە (حجز) دەخاتە سەر چەند كۆمپانیایەكی بواری نەوت بەهۆی پابەند نەبوونیان بە باجدان.

بەڕێوبەرایەتی گشتی باجەكان و خانووبەرەی میری سەر بە وەزارەتی دارایی و ئابووری حکومەتی هەرێمی کوردستان لە نوسراوێکدا کە ئاراستەی قایمقامیەتی قەزای ناوەندی هەولێر كراوە ئاماژەی بەوەکردووە: “چەند کۆمپانیایەکی نەوت پابەندی باج دان نەبوون و دەبێت نیشانەی گلدانەوە (حجز)یان بخرێتە سەر”.

وەک لە نوسراوەکەدا هاتووە “بە پشت بەستن بە بڕیاری ئەنجومەنی وەزیران ژمارەی (13)ی 2019/8/7 داواتان لێدەکەین كە بەهۆی پابەند نەبوونیان بە دانی باج، نیشانەی گلدانەوە بخەنە سەر چەند كۆمپانیایەكی  بواری نەوت”.