ئاگادارييەک لە مەرزی حاجی ئۆمەرانەوە
ده‌روازه‌ى سنوورى حاجی ئۆمەران | فۆتۆ: SNN
SNN
دەروازەی نێودەوڵەتی حاجی ئۆمەران رايگەياند: “هەر هاووڵاتی یان گەشتیارێک بروانامەی پشکنینی کۆرۆنای پێنەبێت لە وڵاتی ئێرانەوە رێگەی پێنادرێت سەردانی ئەو وڵاتە بکات و دەگەڕێندرێتەوە”.
دەروازەی نێودەوڵەتی حاجی ئۆمەران لە راگەيەندراوێکدا بڵاويکردەوە: “ئاگاداری هەموو هاووڵاتیان و گەشتیارانی هەرێم دەکەین، ئەوانەی کە بە نیازن لە رێگەی دەروازەی نێودەوڵەتی حاجی ئۆمەرانەوە گەشت و سەردانی کۆماری ئیسلامی ئێران بکەن پێویستە بروانامەی پشکنینی کۆرۆنا (ئەنجامی نێگەتیف)يان پێبێت”.
ئاماژەی بەوەشکردووە: “بە پێچەوانەوە هەر هاووڵاتی یان گەشتیارێک بروانامەی پشکنینی کۆرۆنای پێنەبێت دەولەتی ئێران رێگایان پێنادات سەردانی ئێران بکەن و دەگەڕێندرێنەوە”.
راشيگەياندووە: “بۆیە تاکو هاووڵاتیان تووشی گرفت و زەحمەتی رێگا نەبن، داوا لە هەموو گەشتیارە بەرێزەکان دەکەین بەبێ هەبوونی بروانامەی پشکنینی کۆرۆنا بە مەبەستی چوون بۆ وڵاتی ئێران سەردانی دەروازەی نێودەولەتی حاجی ئۆمەران نەکەن چونکە رێگایان پێنادرێت”.
