لە شاری هەولێر تەرمی ژنێک دۆزرایەوە

SNN

لەشاری هەولێر تەرمی ژنێک لە نزیک تونێلی میراوە دۆزراوەتەوە و پۆلیسیش بێ ئەوەی ناسنامەکەی ئاشکرا بکات دەڵێت، دەستیان بە لێکۆڵینەوە کردووە لە ڕووداوەکە.

لە ڕاگەیەنراوێکدا بەڕێوەبەرایەتی پۆلیسی هەولێر ئەمڕۆ یەکشەممە ڕایگەیاند: “ھێزەکانی بەڕێوەبەرایەتی پۆلیسی پارێزگای ھەولێر تەرمی ژنێک لە نزیک تونێلی میراوە دۆزیوەتەوە لەسنووری بنکەی پۆلیسی باسرمە.”

ئاماژەی بەوەشکردووە، “ھێزەکانی پۆلیسی پارێزگای ھەولێر و ئاسایشی ھەولێر دەستیان کردووە بە لێکۆلینەوە لە داهاتوویەکی نزیکدا وردەکاری زیاتر لەسەر رووداوەکە دەخەینەڕوو.”