مستەفا کازمی: بکوژانی هیشام هاشمیمان دەستگیر کرد

SNN

دوای تێپەربوونی زیاتر لە ساڵێک بە سەر کوژرانی هیشام هاشمی شرۆڤەکاری سیاسی و ئەمنی لە بەغدا، سەرۆکوەزیرانی عێراق رایگەیاند، بکوژانی ناوبراویان دەستگیر کردووە.

مستەفا کازمی سەرۆکوەزیرانی عێراق لە هەژماری خۆی لە تۆری کۆمەڵایەتی تویتەر رایگەیاند: “بەڵێنی خۆمان بردوەتەسەر و بکوژانی هیشام هاشمیمان دەستگیرکردووە، پێشتریش گروپەكانی مەرگ و بكوژانی ئەحمەد عەبدولسەمەدمان ڕووبەڕووی دادگا كردەوە و سەدان تاوانبارمان دەستگیركرد”.

لە کۆتاییشدا سەرۆکوەزیرانی عێراق باسی لەوە کردوە: “ڕەخنەگرتن مافی هەمووانە، بەڵام ئێمە بۆ ڕیكلام و موزایەدە كارناكەین، بەپێی توانا ماف دەچەسپێنین و خزمەت دەكەین”.

6ی تەمموزی ساڵی رابردو هیشام هاشمی چاودێری دۆخی سیاسی و ئه‌منی عێراق لە بەردەم ماڵەکەیدا لە ناوچەی زەیونە لە بەغدا لەلایەن چەند چەکدارێکی نەناسراو تەقەی لێکراو و کوژرا.