وڵاتانی ئۆپیک پڵەس رێککەوتن لەسەر زیادکردنی بەرهەمهێنانی نەوت

SNN

ئاژانسی ڕۆیتەرز ئاشکرایکرد، وڵاتانی ڕێکخراوی ئۆپێک پڵەس ڕێککەوتوون لەسەر زیادکردنی پلەبەندی بڕی بەرهەمهێنانی نەوت تاوەکو مانگی کانونی یەکەمی داهاتوو.

ڕۆیتەرز دەشڵێت :هەروەها ڕێککەوتن کراوە لەسەر درێژکردنەوەى ئەو ڕێککەوتنە تاوەکو کۆتایی ساڵی 2020″.

چاودێرانی ئابووریش وا پێشبینی دەکەن، کە زیادکردنی بڕی بەرهەمهێنانی نەوت کە وڵاتانی سعودییە و عێراق و یەمەن دژی بوون، ببێتە دووبارە دابەزاندنەوەی بەهای نەوت لە بازاڕەکانی جیهاندا، بەڵام وڵاتی ئیمارات پێداگربوو لەوەی کە دەبێت رۆژانە 2.5 ملیۆن بەرمیل نەوت زیادبکرێت و دواجار توانی وڵاتانی ئۆپیک قایل بکات بە زیادکردنی بڕی بەرهەمهێنانی نەوت.