تۆڕی کارەبای هەرێم و عێراق بە تورکیاوە دەبەسترێتەوە

SNN

وەزارەتی کارەبای هەرێم رايگەياند: “کارکردن لە پرۆژەی پێکەوە بەستنی تۆڕی کارەبای هەرێمی کوردستان، عێراق و تورکیا بەردەوامە”.

وەزارەتی کارەبای هەرێم لە راگەيەندراوێکدا بڵاويکردەوە: “کار کردن لەسەر پرۆژەی گواستنەوەی ھێڵی 400 KV تورکیا – عێراق بەردەوامە کە بە هۆیەوە توڕی کارەبای هەرێمی کوردستان، عێراق و تورکیا پێکەوە دەبەسترێنەوە”.

راشيگەياند: “عێراق بڕە کارەبایەک لە تورکیای کڕیوە کە بە هێڵی گواستنەوەی کارەبای هەرێم تێپەڕ دەبێت و بەهۆیەوە کێشەی ڤۆلتە و بارزۆری لەسەر توڕی گواستنەوەی هەرێمێش چارەسەر دەبێت”.

ئاماژەی بەوەشکردووە: “پرۆژەکە لە لایەن کۆمپانیای هێرۆوە جێبەجێ دەکرێت”.