تورکیا بە دیوار و خەندەق لە سەر سنوورەکانی لەگەڵ ئێران رووبەڕووی کۆچبەران دەبێتەوە

SNN                 

حکومەتی تورکیا لە سەر سنوری وڵاتەکەی و ئێران دەستی بە هەڵکەندنی خەندەق و دروستکردنی دیواری کۆنکرێتی کردووە.

بەرپرسانی تورکیا رایانگەیاندوە: “ئامانج لەو هەنگاوە رێگریکردنەوە لە پەڕینەوەی کۆجبەرانی نایاسایی و کاری قاچاخ لەسەر سنور و دزەکردنی ئەندامانی پەکەکە بۆ ناو تورکیا”.

دیوارەکە کە لە پارێزگای وان سێ کیلۆمەتری تەواوبووە، بەرزییەکەی سێ مەترە و هاوتەریب لەگەڵ دیوارەکەش هەڵکۆڵینی خەندەق دەستیپێکردووە و چەندین تاوەری چاودێری زیرەکیش بونیاتنراون.

لەماوەی رابردوودا و بە هۆی پێشڕەوییەکانی تالیبان و دەستبەسەرداگرتنی چەندین ناوچەی ئەفغانستان لە لایەن ئەو گروپەوە، شەپۆلێکی کۆچبەری سەریهەڵداوە و هەزاران هاووڵاتی ئەفغانستانی هەوڵ دەدەن لە رێگەی تورکیاوە خۆیان بگەیەننە ئەوروپا.