عەلی حەمەساڵح: لەئێستادا رەوشی فڕۆکەخانەی سلێمانی باشە و قاچاخچێتی تێدا نەماوە
SNN-عەلی حەمە سەعید
ئەندامێکی پەرلەمانی کوردستان دەڵێت: “قاچاخچێتی لە فرۆکەخانەی نێودەوڵەتی سلێمانی نەماوە و لە باشماخیش کەمبووەتەوە”.
عەلی حەمەساڵح ئەندامی پەرلەمانی کوردستان سەبارەت بە کاری قاچاخچێتی لە فڕۆکەخانە و دەروازە سنورییەکان بە SNNی راگەیاند: “لە ئێستادا رەوشی فڕۆکەخانەی نێودەوڵەتی سلێمانی باشە و قاچاخچێتی تێدا نەماوە، لە دەروازەی نێودەوڵەتی باشماخیش قاچاخچێتی کەمی کردووە”.
راشیگەیاند: “کاری قاچاخچێتی بەتەواوی رانەگیراوە، بەڵام بە رێژەیەک کەمیکردوە، چەند ھەفتەیەکی تر چاوەڕوان دەبین تا بەتەواوی ئەو کارە لە دەروازەکان کۆنترۆڵ دەکرێت و کۆتایی پێدەھێنرێت.”
لەماوەی رابردوودا بافڵ تاڵەبانی لەچوارچێوەی هەوڵەکانی بۆ رێگری لە کاری نایاسایی و قاچاخچێتی لە فڕۆکەخانە و دەروازە سنووریەکان چەند بڕیارێکی راگەیاند و کۆمەڵێک گۆڕانکاری ئەنجامدا.
