باوکێکی 48 ساڵ لەکاتی ڕزگارکردنی منداڵەکەی دەخنکێت
وێنەی کەسێکی خنکاو، ئەرشیف
SNN
هاووڵاتییەکی تەمەن 48 ساڵان کە ئەندازیارە لە ناو ئاوی زێی بچووکدا لە سنووری قەڵادزێ لەکاتی رزگارکردنی گیانی مناڵەکەیدا دەخنکێت.
موقەدەم شۆڕش ئیسماعیل وتەبێژی پۆلیسی ڕاپەڕین بە میدیای فەرمی یەکێتیی ڕاگەیاند: کەمێک پێش ئێستا تەرمی هاوڵاتیەک بەناوی (ع . س . ٲ) لەدایکبووی ساڵی 1973، پیشەی ئەندازیار لە فەرمانگەی کارەبایی قەڵادزێ گەیەندرایە نەخۆشخانەی گشتی.
بەوتەی کەسوکاری ئەم باوکە لەکاتێکدا خنکاوە منداڵەکەی کە تەمەنی 14 ساڵە مەلەی کردووە، کاتێک ژیانی منداڵەکەی کەوتۆتە مەترسیەوە باوکی بە جلی ئاسایی دەستەبەجێ چۆتە ناو ئاوەکە بۆ ڕزگارکردنی کوڕەکەی، دواتر نەخۆی بۆ ڕزگار کراوەو نە منداڵەکەشی و دەستبەجێ خنکاوە، بەڵام منداڵەکە لەلایەن مامیەوە ڕزگار دەکرێت.
دوایی ڕووداوەکە دەستبەجێ هێزەکانی پۆلیسی فریاکەوتن و هێزەکانی ئاسایش گەیشتونەتە شوێنی مەبەست و تەرمەکەیان گواستۆتەوە بۆ نەخۆشخانە، دۆسیەی لێکۆڵینەوە بۆ ڕووداوەکە کراوەتەوە.
