لە کەرکوک داعش هێرشی کردە سەر پۆليسی فيدڕاڵی

SNN

به‌ره‌به‌یانی ئه‌مڕۆ شه‌ممه‌، تیرۆرستانی داعش له‌ سنووری شاردێی ره‌شاد له‌ رۆژئاوای كه‌ركوك هێرشیان كرده‌ سه‌ر پۆلیسی فیدڕاڵی عێراق و كوژراوی لێكه‌وته‌وه‌.

به‌پێی زانیارییه‌كان “هێرشه‌كه‌ی داعش بۆ سه‌ر گوندی كه‌ره‌ج قازان بووه‌ له‌ شارده‌ێی ره‌شاد له‌ رۆژئاوای كه‌ركوك ، به‌هۆیه‌وه‌ سێ پۆلیس كوژراون و پۆلیسێكیش برینداره‌”.

له‌ راگه‌یاندراوێكیشدا پۆلیسی فیدڕاڵی عێراق له‌ پارێزگای كه‌ركوك رایده‌گه‌ێنێت: “دوای هێرشه‌كه‌ی داعش هێزه‌كانمان له‌ناوچه‌كه‌دا بڵاوبوونه‌ته‌وه‌ به‌مه‌به‌ستی ده‌ستگیر كردنی چه‌كدارانی داعش”.