ماوەی خۆ تۆمارکردنی کارمەندانی سەر سندوقی ده‌نگدان درێژكرایه‌وه
هەڵبژاردن
SNN
ئەمڕۆ یەکشەممە، کۆمسیۆنی باڵای سەربەخۆی هەڵبژاردنەکانی عێراق وادەی خۆ تۆمارکردنی کارمەندانی بۆسەر سندوق درێژکردەوە.
جومانە غەلای وتەبێژی کۆمیسیۆنی باڵای ھەڵبژاردنەکانی عێراق لە راگەیەنراوێکدا ئاماژەی بەوەکردووە، ماوەی خۆ تۆمارکردن بۆ ئەو کەسانەی دەیانەوێت لە رۆژی دەنگدان ببنە کارمەندی سەر سندوق بۆ حەوت رۆژی دیکە درێژ کراوەتەوە.
بەپێی راگەیەنراوەکەی کۆمسیۆنی باڵای هەڵبژاردنەکانی عێراق وادەی خۆ تۆمارکردن بۆسەر سندوق تا رۆژی (8ی ئاب) درێژکراوەتەوە.
بڕیارە رۆژی (10/10/2021) پرۆسەی هەڵبژاردنی پێشوەختە لە عێراق بەڕێوەبچێت.
