نرخی ئەمپێری مۆلیدە ئەهلییەکان لە سلێمانی بۆ مانگی حەوت دیاریکرا
نرخی ئەمپێڕی مۆلیدە ئەهلییەکان
SNN
ئەمڕۆ دووشەممە، قایمقامیەتی سلێمانی نرخی ئەمپێری مۆلیدە ئەهلییەکانی سلێمانی بڵاوکردەوە و لە راگەیەندراوێکدا هاتووە کە: نرخی سه‌عاتێك ئەمپێری کارەبای موەلیدە ئەھلییەکان له ناو شاری سلێمانى بۆ مانگی ته‌مموز(7) دیاری كراو پێدانی كاره‌بای مۆلیده له‌م مانگه‌شدا (24) كاتژمێریی ده‌بێت و له‌و ماوه‌یه‌دا هه‌ركاتێك كاره‌بای نیشتیمانی ببڕێت كار به مۆلیده‌كان ده‌كرێت.
دیاریکردنی نرخی ئەمپێڕی مۆلیدە ئەهلییەکان، له‌سه‌ر بنه‌مای نرخی سوته‌مه‌نی له بازاڕه‌كانی هه‌رێمی كوردستان كاتژمێره‌كانی كاركردن دیاریكراوه.
به‌پێی كۆنووسی كۆبونه‌وه‌كه كاركردن و ته‌رخانكردنی كاره‌با له‌لایه‌ن موه‌لیده ئه‌هلییه‌كانه‌وه بۆ هاووڵاتیان له مانگی (حه‌وت)دا له‌نێوان (285) بۆ (315) سه‌عاتدا بووه، به‌مه‌ش نرخی یه‌ك ئه‌مپێڕ كاره‌بای موه‌لیده‌ی ئه‌هلی له ناوشاری سلێمانی بۆ ئه‌و مانگه له نێوان (12) دوانزه هه‌زار بۆ (13500) سیازده هه‌زار و پێنج سه‌د دیناردا ده‌بێت، هه‌ربۆیه به‌هۆی جیاوازی كارپێكردنی موه‌لیده‌كان له‌گه‌ڕه‌كێك بۆ گه‌ڕه‌كێكی دیكه، نرخی ئه‌مپێڕێك كاره‌بای موه‌لیده‌ی گه‌ڕه‌كێك بۆ گه‌ڕه‌كێكی دیكه جیاواز ده‌بێت.
سه‌رۆكی لیژنه هاوبه‌شه‌كانی قائیمقامیه‌تی سلێمانیش رایگه‌یاند: له مانگی رابردوودا ژماره‌یه‌ك مۆلیده له ناوشاری سلێمانی له‌كاركه‌وتن، به‌ڵام ناچاركران به دابینكردنی مۆلیده‌ی تر و رێگه نه‌درا بۆ ماوه‌یه‌كی زۆر هاووڵاتیان بێ كاره‌با بن و خاوه‌نی ئه‌و مۆلیدانه‌ش رێكاری پێویستیان به‌رامبه‌ر گیراوه‌ته‌به‌ر.
داوایكرد له‌كاتی هه‌ر گله‌یی و گازنده‌یه‌ك له هه‌ر مۆلیده‌یه‌ك، هاوڵاتیان په‌یوه‌ندی به ژماره موبایلی 07701363679 بكه‌ن بۆئه‌وه‌ی به‌دواداژونی بۆ بكرێت.
