وەزارەتی بازرگانی: ئاردی مانگی حوزەيران دابەشدەکرێت
SNN
وەزارەتی بازرگانی و پیشەسازیی هەرێمی کوردستان دابەشکردنی بەشە ئاردی مانگی حوزەیرانی رایگەیاند و دەڵێت “باشترین ئاردی بەسود دابەش دەکرێت بەسەر هاوڵاتیاندا.”
ڕاگەیاندنی وەزارەتی بازرگانی و پیشەسازیی هەرێم رايگەياند: “فەرمانبەرانی بەرێوبەرایەتى دروستكراوى دانەوێله بەردەوامن لە دابەشکردنی لیستی بریکاری ئارد و بەشە ئاردی هاوڵاتیان بۆ مانگى حوزەیران، لەم چوارچێوەیەشدا سەردانی بنکەی 221 و 220 بەستوره و ناحیەی سەڵاحەدینیان کرد”.
هاوکات هەر ئەمرۆ نەوزاد شێخ کامیل، بەرێوەبەرى گشتیی بازرگانى کۆبونەوەیەكى ئەنجام دا لەگەڵ خاوەن ئاشەکانی هەولێر و گفتۆیان کرد لەسەر کەموکوڕیەکان و خزمەتکردن بە هاوڵاتیان بە گەیاندنی ئاردی باش بۆیان کە سودی لێ وەربگرن.
