بەهۆی کەمئاوی دانيشتوانی گەڕەکێکی هەولێر گردبوونەوە و شەقامی 100 مەتریان داخست

SNN-عەلی حەمە سەعید

لەبەرامبەر نەبوونی ئاو لە چەند گەڕەكێكی شاری هەولێر هاووڵاتیان و چین و توێژە جیاوازەكانی هاتوونەتە سەر شەقام و دەستیان بە خۆپیشاندانی ناڕەزایەتیكردووە و ڕێگای سەرەكی شەقامی 100 مەتری هەولێریان داخشتووە بە وتەی هاووڵاتیان زیاد لە 50 رۆژە لەسەر گیرفانی خۆیان ئاو دەكڕن، تا ئێستا لايەنە پەيوەنديدارەکان نەهاتوون بەدەم داواکارييەکانيانەوە.

خالید سادق، یەكێك لەدانیشتووانی گەڕەكی باداوای شاری هەولێر بە SNNی ڕاگەیاند: ماوەی 50 ڕۆژە ئەم گەڕەكەی ئێمە و چەند گەڕەكێكی دیكەی هەولێر بە دەست نەبوونی بێ ئاوییەوە دەناڵێنین و لە كاتێكدا گەرەكەكانی دیكە كە ماڵە بەرپرسەكانی لێیە ئاویان بۆ دابیندەكرێت بەڵام ئێمە تەنكەرێك ئاو بە 30 هەزار دینار دەكڕین و ماڵی وا هەیە لەسەر ئاو كڕین 300 هەزار دینار قەرزار بووە.

ئاماژەی بەوەشكرد: “ئەگەر نەبوونی ئاو بۆ هەموو هەولێر وەك یەكە ئێمەش وەك كۆی گشتی ئەو خەڵكە بێدەنگ دەبین بەڵام كێشەكە ئەوەیە جیاكاری دەكرێت لە دابینكردنی ئاو بۆ گەڕەكەكان، بۆیە هەتا ئەو نادادیە هەبێت ئێمەش لە گردبوونەوە و ناڕەزیەتی بەردەوام دەبین و شەقامی 100 مەتر بەرنادەین تا ئەوكاتەی بەرپرسان دێنە سەر هێڵ و دان بە شكشتی خۆیاندا دەنێت”.

SNNبۆ وەرگرتنی لایەنی پەیوەندیدار و هۆكاری سەر هەڵدانی ئەو كێشەیەو هەوڵەكان بۆ چارەسەركردنی چەندین جار پەیوەندی بە بەڕێوەبەری ئاوی هەولێر و چەند لایەنێكی دیكەی پەیوەندیدار كرد بەڵام ئامادە نەبوون لەسەر ئەو پرسە قسەبكەن.