کازمی سەردانی پاکستان دەکات

SNN

وەزارەتی دەرەوەی عێراق ئەمڕۆ رایگەیاند بەمنزیکانە مستەفا کازمی سەرۆکوەزیرانی عێراق سەردانی ئیسلام ئابادی پایتەختی پاکستان دەکات.

ئەحمەد سەحاف وتەبێژی وەزارەتی دەرەوەی عێراق لە راگەیەندراوێکدا ئەوەی خستەڕوو: فوئاد حسێن وەزیری دەرەوەی عێراق چاوی بە عومران خان سەرۆکوەزیرانی پاکستان کەوتووە و پەیوەندی دوو لایەنەی نێوانیان تاوتوێ کردووە.

ئەوەش خراوەتەڕوو، پاکستان بانگهێشتی کازمی کردووە بۆ وڵاتەکە و بەمنزیکانە سەردانی پاکستان دەکات.

سەردانەکەی کازمی بۆ پاکستان بۆ بەهێزکردنی هاریکاری نێوان دوو وڵاتەکە دەبێت بەتایبەت لە بواری ئاسایش و رووبەڕووبوونەوەی تیرۆردا.