هاتووچۆی گەشتياری لە مەرزی پەروێزخان راگيرا

SNN

ئه‌مڕۆ سێشه‌ممه‌ كۆمه‌ڵگای ده‌روازه‌ی نێوده‌وڵه‌تی په‌روێزخان رایگه‌یاند: “له‌سه‌ر بڕیاری كۆماری ئیسلامی ئێران، هاتووچۆی گه‌شتیاریی له‌ ده‌روازه‌ی نێوده‌وڵه‌تی په‌روێزخان راگیرا”.

له‌راگه‌یه‌ندراوێكدا كۆمه‌ڵگای ده‌روازه‌ی نێوده‌وڵه‌تی په‌روێزخان بڵاویكرده‌وه‌: “ئه‌مڕۆ به‌بڕیاری پارێزگاری كرماشان هاتووچۆی گه‌شتیاریی له‌ڕێگه‌ی ده‌روازه‌ی نێوده‌وڵه‌تی په‌روێزخانه‌وه‌ ڕاگیرا، بڕیاره‌كه‌ش به‌هۆی كۆبوونه‌وه‌ی ژماره‌یه‌كی زۆر هاووڵاتی و گه‌شتیاری وڵاتی كۆماری ئیسلامی ئێرانه‌ له‌قه‌سری شیرین كه‌ ده‌یانه‌وێت به‌مه‌به‌ستی زیاره‌ت و به‌شداریكردن له‌یادی عاشورا بێنه‌ هه‌رێمی كوردستان و له‌وێشه‌وه‌ بچنه‌ كه‌ربه‌لاو شاره‌كانی عێراق”.

ئه‌وه‌شی خسته‌ڕو: “ماوه‌ی ڕاگرتنی هاتوچۆی گه‌شتیاری له‌ ده‌روازه‌ی نێوده‌وڵه‌تی په‌روێزخان دیاری نه‌كراوه‌، ته‌نها هاووڵاتیانی هه‌ردوو وڵات ده‌توانن بگه‌ڕێنه‌وه‌ بۆ وڵاته‌كانی خۆیان”.