عێراق.. چوار چەکداری حەشدی شەعبی كوژران

SNN

بەهۆی ھێرشێکی چەکداری و تەقینەوەی بۆمبێکی چێنراو لە باکووری بەغدا، چوار چەکداری حەشدی شەعبی کوژراون و ھەشت چەکداری دیکەیش برینداربوون.

ئەفسەرێک لە پۆلیسی بەغدا بە ئاژانسی ئەنادۆڵی راگەیاندووە: “ژمارەیەک چەکدار کە گومان دەکرێت سەر بە رێکخراوی تیرۆریستی داعش بووبن، بۆمبێکی چێنراویان بە کاروانێکی حەشدی شەعبیدا لە قەزای تارمییە باکووری بەغدا تەقاندووەتەوە و دواتر لە ھەمان ناوچە، ھێرشیان کردووەتە سەر بارەگای لیوای 12ی سەربە حەشدی شەعبی.

بە وتەی سەرچاوەکە “لە ئاکامی ھێرشەکاندا، چوار حەشدی شەعبی کە یەکێکیان فەرماندەیەکی مەیدانییە کوژراون و ھەشتی چەکداری دیکەیش برینداربوون”.

سەرچاوەکە باسی لەوەشکردووە “ھەروەھا ژمارەیەک چەکداری داعشیش کوژراون بێ ئەوەی ژماره‌یان دیاریی بکات”.