ئەمڕۆ مووچەی وەزارەتی تەندروستی بەبێ لێبڕین دابەشدەکرێت

SNN

وەزارەتى دارایی و ئابورى حکومەتى هەرێم لە راگەیەنراوێکدا بڵاویکردەوە، ئه‌مڕۆ چوار شەمە 2021/8/25، مووچه‌ی مانگی هەشت-ی وه‌زاره‌تی ته‌ندروستی به‌ بێ لێبڕین دابه‌ش ده‌كرێت.

حكومەتى هەرێم بۆ دابەشكردنی مووچە به‌بێ لێبڕین، پێویستی بە نزیكەی 895 ملیار دینارە و بۆ دووەم مانگە لەسەر یەک مووچە بە بێ لێبڕین دابەشدەکرێت.

بەپێى زانیارییەکانى SNN، لەم هەفتەیەدا بەغدا 200 ملیار دینارەکەى هەرێم رەوانە دەکات و لە ماوەى هەفتەیەکدا مووچەى سەرجەم وەزارەتەکان دابەشدەکرێت.