بافڵ تاڵەبانی مووچەی کارمەندانی نەخۆشخانەی ئاسا دابین دەکات
بافڵ تاڵهبانى، سهرۆكى یهكێتیی نیشتمانیى كوردستان | فۆتۆ: SNN
SNN
بەڕێوەبەری نەخۆشخانەی ئاسای تایبەت بە تووشبووانی کۆرۆنا رایگەیاند: ” نەخۆشخانەکە جارێکی تر دەکرێتەوە و لە سەر ئەرکی بافڵ تاڵەبانی، هاوسەرۆکی یەکێتیی نیشتمانیی کوردستان مووچەی کارمەند و پزیشکەکانی دابین دەکرێت”.
د. شەماڵ جەبار یاوەر، بەڕێوەبەری گشتیی دەزگای تەندروستی پێشمەرگە و بەڕێوەبەری نەخۆشخانەی ئاسا رایگەیاند: ” بەفەرمانی بافڵ تاڵەبانی، هاوسەرۆكی یەكێتیی نیشتیمانیی كوردستان سبەی نەخۆشخانەی ئاسای تایبەت بە تووشبووانی كۆرۆنا دەكرێتەوە”.
وتیشی: “مووچەی پزیشك وكارمەندانی نەخۆشخانەكە لەسەر ئەركی بافڵ تاڵەبانی دابین دەكرێت لەپێناو خزمەتی خەڵك و كەمكردنەوەی تووشبوانی كۆڕۆنا”.
نەخۆشخانەی ئاسا، کە سەر بە دەزگای تەندروستیی پێشمەرگەیە، لە مانگی ئاداری ساڵی 2020 کرابوەوە، دوای داکشانی ژمارەی تووشبووانی کۆرۆنا لە مانگەکانی رابردوودا داخرابوو، بەڵام لەگەڵ سەرلەنوێ بەرزبوونەوەی ژمارەی تووشبووانی پەتاکە بە پشتیوانی یەکێتی و خێرخوازان جارێکی دیکە دەکرێتەوە و دەخرێتە خزمەتی هاووڵاتیان.
