وه‌زاره‌تی ته‌ندروستی ماوه‌ی به‌كارهێنانی نێوان ژەمەکانی ڤاکسین بۆ نزیكه‌ی دوو مانگ درێژده‌كاته‌وه
ڤاکسینی-کۆرۆنا
SNN
وه‌زاره‌تی ته‌ندروستیی و ژینگه‌ی عێراق، ئه‌مڕۆ دووشه‌ممه، بڕیاریدا ماوه‌ی نێوان به‌كارهێنانی ژه‌می یه‌كه‌م و دووه‌می ڤاكسین له سێ هه‌فته‌وه بۆ نزیكه‌ی دوو مانگ درێژبكاته‌وه و بۆئه‌و مه‌به‌سته‌ش نوسراوێكی ئاراسته‌ی سه‌رجه‌م ناوه‌نده ته‌ندروستییه‌كان به هه‌رێمی كوردستانیشه‌وه كرد.
به‌گوێره‌ی نوسراوێكی وه‌زاره‌تی ته‌ندروستی و ژینگه‌ی عێراق، كه ئاراسته‌ی وه‌زاره‌تی ته‌ندروستی حكومه‌تی هه‌رێم هه‌ریه‌ك له فه‌رمانگه ته‌ندروستیه‌كانی پارێزگاكانی عێراق كراوه تێیدا هاتووه، “له‌سه‌ر بنه‌مای رێنماییه‌كانی رێكخراوی ته‌ندروستی جیهانی و ره‌زامه‌ندی لیژنه‌ی راوێژكاری باڵای تایبه‌ت به نه‌خۆشی كۆرۆنا، بڕیاردراوه ماوه‌ی نێوان ژه‌می یه‌كه‌م له‌گه‌ڵ ژه‌می دووه‌م له‌ماوه‌ی سێ هه‌فته‌وه بۆ 56 رۆژ زیاد ده‌كرێت.
ئه‌و بڕیاره له 1ی ئه‌یلول-ی 2021ه‌وه ده‌خرێته بواری جێبه‌جێكردنه‌وه، هه‌ركه‌سێك ڤاكسین وه‌ربگرێت دوای 56 رۆژی دیكه، ژه‌می دووه‌می بۆ به‌كارده‌هێندرێت.
