عێراق بڕیارید رۆژانە 400 هەزار بەرمیل نەوت زیاتر بەرهەم بهێنێت
SNN
ئیحسان عەبدولجەبار وەزیری نەوتی عێراقی لە لێدوانێکی رۆژنامەوانیدا ئاشکرای کرد، کە عێراق نیازیەتی لە مانگی تشرینی یەکەمی داهاتووەوە رۆژانە 400 هەزار بەرمیل نەوت زیاتر بەرهەم بهێنێت و بیخاتە بازاڕەکانەوە.
جەبارە ئەوەشی روونکردەوە، کە زیادکردنی بەرهەمهێنانی ئەو برە نەوتە لە مانگی داهاتووەوە دەستپێدەکات، بەشێوەی پلەبەندی دەبێت، نەک راستەخۆ 400 هەزار بەرمیل نەوتەوە زیاد بکەین، ئەم کارەش بە راوێژ لەگەڵ وڵاتانی ئەندام لە ئۆپیک بڕیاری لێدراوە و سود و قازانجێکی زۆری بۆ عێراق دەبێت.
ئاماژەی بەوەشکرد: هۆکاری زیادکردنی بەرهەمهێنانی ئەو برە نەوتە دەگەرێتەوە بۆ ئەو ماوەیەی کە بەهحی کۆرۆناوە بەرهەمهێنانی نەوت لە جیهان سیستی بەخۆیەوە بینی و دەمانەوێت قەرەبوونی ئەو دۆخە بکەینەوە، سودێکی زیاتر بە عێراق بگەیەنین.
