سەرەڕای دەنگۆ زۆرەکان دەربارەی مردنی، جێگرەکەی بنلادن لە پەیامێکی ڤیدیۆیدا دەرکەوتەوە

SNN

دوای ئەو دەنگۆ زۆرانەی کە باسی لە مردنی ئەیمەن زەواهیری، جێگری پێشووی ئوسامە بنلادن و سەرۆکی ئێستای رێکخراوی قاعیدا دەکرا، لە یادی 20 ساڵەی رووداوەکانی 11ی سێپتەمبەردا گەڕایەوە و پەیامێکی ڤیدیۆی بڵاودەکاتەوە.

زەواهیری لە گرتە ڤیدۆیەکدا کە نزیکەی کاتژمێرێک دەبێت، بەردەوامە لە هەڕەشەکانی بۆ سەر ئەمریکا و ئەوروپا و باس لەو چالاکیانەش دەکات کە چەکدارانی “پاسەوانی دین” لە سوریا ئەنجامیانداوە لەمساڵدا، زەواهیری لە بەشێکی دیکەی قسەکانیدا باسی لە بە ئامانج گەیاندنی توانا ئابووریی و سەربازییەکان ئەمریکای کرد.

شایەنی ئاماژە پێکردنە کە زەواهیری لە گرتە ڤیدیۆکەدا باس لە کشانەوەی ئەمریکا لە ئەفغانستان دەکات و بە شکست ناوی دەهێنێت، بەڵام بە هیچ جۆرێک باس لە دەسەڵاتی ئێستای چەکدارانی تاڵیبان ناکات لە ئەفغانستاندا.