دادگایی بەدەل بەرواری و ئومێد بەرۆشکی دواخرا

SNN

بڕيار بوو ئەمڕۆ دادگاییکردنی بەدەل بەرواری و ئومێد بەرۆشکی بەڕێوەبچێت، بەڵام جارێکی دیکە دادگاییەکە دواخرا بۆ مانگی تشرینی یەکەم.

ئەمڕۆ بڕیاریبوو دادگاییکردنی بەدەل بەرواری و ئومێد بەرۆشکی بەڕێوەبچێت، بەڵام بۆ جارێکی دیکە دادگاییکردنەکەیان دواخرا بۆ 12ی تشرینی یەکەم و ئەوەش نیگەرانی لای پارێزەرانیان و کەسوکاریان دروستکردووە.

ئەمەش دوای ئەوەدێت کە لە 29ی ئابی رابردوو بڕیاربوو دادگایی بکرێن بەڵام دانیشتنەکە بۆ ئەمڕۆ دواخرا.

پارێزەری دەستگیرکراوانی بادینان پێشتر رایگەیاندبوو:” ھیچ بەڵگەیەکی یاسایی نیە بەدەل بەرواری و ئومێد بەرۆشکی تاوانبار بکات”.

نزیکەی ساڵێکە ئەو دوو چالاکوانە لەلایەن پۆلیسی دھۆکەوە دەستگیرکران و دواتریش، لەلایەن دادگای دھۆکەوە بە تۆمەتی خراپ بەکارھێنانی ئامێرەکانی پەیوەندی و رێکخستنی خۆپیشاندان بڕیاری زیندانیکردنیان بۆ دەرکرا.