مەرزی باشماخ: بۆ هاوکاری هاووڵاتیان پشکنینی کۆرۆنامان کردووەتە 24 کاتژمێری

لە روونکردنەوەکەدا هاتووە: هاووڵاتیان و گەشتیاران ئاگاداردەکەینەوە کە پاش کۆبونەوەی بەڕێز (عەمید محمد تاهیر ) و (سەرپەرشتیاری تیمی پشکنینی ڤایرۆسی کۆرۆنا لە باشماخ ) بە بڕیار و ڕاسپاردەی بەڕێز سەرپەرشتیاری دەروازەی باشماخ، گرفتی داخرانی بنکەی تایبەت بەپشکنینی کۆرۆنا چارەسەرکرا و لە ئێستادا بنکەی پشکنینی کۆرۆنای باشماخ بەشێوەی (24) کاتژمێری لەئەرکدا دەبن و چیتر لەکاتژمێر (12) ی شەوەوە بنکەکەیان داناخرێت ئەمەش لەپێناو زیاتر خزمەت گەیاندن بەو هاوڵاتیانەی بەدەروازەکەدا گوزەردەکەن.

ئەوەشی خستووەتەڕوو: بەهۆی ئەوەی پێشتر لە کاتژمێر (12)ی شەوەوە تا (8)ی بەیانی کارمەندانی بنکەی پشکنینی کۆرۆنا پشوویان وەردەگرت ، هاوڵاتیان و گەشتیاران دەبوو بمێننەوە لەناو دەروازەکەدا و ئەمەش ناڕەحەتی و سەختی بوو بۆ ئەو هاوڵاتیانە ، بۆیە لەمەولا لەکاتی گەیشتنی هەرکەسێک ، بەبێ گوێدانە کات دەستبەجێ لەلایەن کارمەندی ئێشکگرەوە ڕێکارە تەندروستی یەکانی بۆ ئەنجام دەدرێ و دواتر لەلایەن بنکەی نشینگەی باشماخەوە کاروبارە ئیداری و یاسایی یەکانیان بۆ تەواو دەکرێت بەشێوەی (24) کاتژمێری و بەبێ وەستان و مانەوە.

لەگەڵ ڕێزدا…